50 bazkide berri erakarri nahi dituzte Atxorrotx Kultura Elkartera, eta, horretarako, '50 gehiago, baietz!' kanpainari ekin diote. Igandean jarri zuten martxan egitasmoa, eta apirilaren 25ean amaituko da, egun horretan egingo bai dute batzar orokorra, kultur etxean.

Helburua ez da soilik bazkide kopurua handitzea, komunitatea indartzea eta kultura dinamika biziagoa sortu nahi dute. Bazkide berriak erakartzeko kanpainaren bidez belaunaldi arteko transmisioa indartu eta parte-hartze aktiboagoa sustatu nahi dute. Informazio gehiago: inkernu@atxorrotx.eus.