14/10/2026 a las 14:19h.

Igande honetan topaketa gastronomikoaren beste edizio bat egingo da. Jarduera honen helburua izenak berak adierazten du, «ezagutu eta elkartu egin nahi dugu», oraingoan janariaren aitzakiarekin edo laguntzarekin. Atsegindegin, eguerdiko 12:00etatik 14:00etara, munduko hainbat herrialdetako partaideek, Euskal Herrikoak barne, janari errazio txikiak eskainiko dituzte, gure herriko eguneroko otorduetan dagoen aniztasun gastronomikoa ikusaraziz. Besteak beste, Argentina, Nikaragua, Ekuador, Kolonbia, Sahara... Oraingo honetan Dj Siwanaba hernaniarraren emanaldia ere izango dugu, estilo eta garai desberdinetako musika uztartzen duena, bere jatorri nikaraguarraren eragina galdu gabe. «Espazioa aprobetxatuko dugu, halaber, Hernaniko alokairuari buruz prestatzen ari garen inkesta bat ezagutarazteko, arrazakeriaren aurkako ikuspegitik ikusita, laster aterako dugun gida baterako oinarri izango dena», esan dute.