Просмотр новости
Найдите то, что Вас интересует
Спутники
РН
SpaceX
Роскосмос
NASA
СпутникиРНSpaceXРоскосмосNASAВладислав Ховалыг Кызылда социал болгаш инфраструктура объектилериниң тудуун хынаан
Тываның Баштыңы Владислав Ховалыг Кызылда спортчу объектилерниң, уруглар садының, аалчылар бажыңының, оруктарның тудуун хынаан. Хыналда соонда, сооктар дүшпээнде тудугну уламчылаарынга херек байдалдарны хандырар дээш, ажылды дүргедедирин база тудугларны коммунал четкилеринге кожарынга хамаарышкан айтырыгларны шиитпирлээрин дужааган.
Кызылдың чылыг электри станциязының чанында чоокку Каа-Хем девискээринде модульдуг хүреш залы - хыналдада шөлдерниң бирээзи болган. Тудугну чыып дооскан, ам ону долгандыр шыппышаан, крышазын эптеп турар. Республика Баштыңының чугаазы-биле алырга, объектиниң белени 80 хуу чоокшулаан. Ооң-биле чергелештир залды чырык, чылыг, суг хандырылгазынга кожарын дүргедедир херек. Владислав Ховалыг техниктиг шиитпирлерни шалыпкын дугуржуру-биле курлавыр хандырылга организацияларының төлээлери-биле ужуражылганы эрттирерин планнаан.
«Спутник» микрорайонунда эштир бассейн тудуу уламчылавышаан. Ханаларын тургузуп, кырын шывар ажылдар доозулган, соңгалар болгаш эжиктери салдынган. Амгы үеде кабель шугумун шөйүп, электри дериг-херекселдерин эптеп турар. Бассейнниң иштин болгаш шеверлел ажылдарын чоокку үеде доозар деп планнаан.
«Бассейн чанында улуг ойнаар зал туттунуп турар. Аңаа спорттуң ойнаар хевирлери – футбол, гандболга кичээлдээр. Бо объектини келир чылын тудуп доозар» - деп, Владислав Ховалыг дыңнаткан. Спортчу объектилерни тудуп доозуптарга, чаа микрорайонга күш-культура болгаш спорт-биле белеткенир арга калбарар.
Республиканың Баштыңы Улуг-Хемниң оң чарыында, Вавилин ээтпээ микрорайонда туттунуп турар күш-культура-спорт залын база хынаан. Ында ажылдарның 85 хуузу доозулган. Объектиде электри хандырылгазының ажылдары чоруп, өрт медээчизин салып, шөлүн чаагайжыдып турар.
«Бо неделя төнчүзүнге чедир объектини бодунуң котельнаязынга кожар. Ам соңгаларын салырын манап турар. Үш неделя дургузунда арткан ажылдарның шуптузун кылыптарга, объект чурттакчыларга эжиин ажыдып, өөрүшкүзүн үлежир» - деп, Тываның Баштыңы демдеглээн.
«Өг-бүле» национал төлевилелдиң «Өг-бүлени деткиири» федералдыг төлевилели езугаар 280 олуттуг уруглар садын ооң чоогунда тудуп турар. Тудугжулар амгы үеде тудугнуң ийиги каъдында ажылдап турар. Кол тудуг болгаш шеверлел ажылдарының материалдарын садып алганын тудуг чери дыңнаткан. Чаа уруглар садының узуну 83 метр болур.
Владислав Ховалыгның чугаазы-биле алырга, тудугну үезинде доозарындан аңгыда, ажылдың шынарын база хандырары чугула. Амгы керээ езугаар тудугну 2027 чылдың төнчүзүнге чедир доозар ужурлуг.
Ол-ла үнүүшкүн үезинде орук инфраструктуразынче онза кичээнгейни база угландырган. Республика Баштыңы Кара-Хаак көвүрүүнүң уунда Вавилин ээтпээ дургаар орук участогун хынаан. Ол черде ажылдарның төнчү чадазы чоруп турар: кижи кылаштаар черлерни чаагайжыдып, орук демдектерин тургузарынга белеткеп турар.
Владислав Ховалыг үш сылдыстыг, 80 өрээлдиг «Космос Групп» гостиница тудуун база хынаан. Мында ажылдар шалыпкын чоруп турар. Тудугжулар иштики ажылдарны кышкы үеде уламчылаар кылдыр, сооктар дүшпээнде, объектиниң кырын дуглаптар планныг. Төлевилелди 2027 чылдың бирги чартыының төнчүзүнде доозары планнаттынган.
Республиканың Баштыңы IV-кү делегей чергелиг буддийжи форумга белеткел үезинде доозулган Шажынчылар бажыңын база көрген. Амгы үеде тудугнуң даштын чөөн чүк аянынга дүүштүр кылыр ажылдар чоруп турар.
Владислав Ховалыг шупту тудуг объектилерин хынаан соонда, ажылдарны дүргедедирин дааскан. Бир дугаарында, тудугларның кышка белеткелин доозар, инженер четкилеринге үе шаанда кожуп, иштики ажылдарны үзүктел чок кылырынга байдалдарны тургузар херек.
«Кышка чедир эвээш үе арткан болганда, ажылдарны дүргедедир апаар. Сооктар ужун иштики ажылдар туруптас кылдыр, объектилерже чылыгны дарый берип, чылыглаары чугула» - деп, республика Баштыңы айыткан.
| # | Наименование новости | Тональность | Информативность | Дата публикации |
|---|---|---|---|---|
| 1 | 🏗Владислав Ховалыг проверил ход строительства социальных и инфраструктурных объектов в ... | 0 | 7.8 | 20-10-2026 |
| 2 | 💥Шынарлыг хоорай хүрээлеңи чонга артар 📢Июль 30-де найысылал Кызылга август ... | 0 | 9.77 | 07-08-2026 |
| 3 | «Устаз бюгюнлюкде дерсине алгъадан эсе кёбюрек эс бурургъа керек сунама» | 0 | 17.71 | 29-07-2026 |
| 4 | Окъутууну бла юйретиуню къыйматлы амалларын табыуну къайгъысын кёрюп | 0 | 14.88 | 20-08-2026 |
| 5 | Пассажирские перевозки из Луганска и в Луганск. Расписание автобусов. Резервирование ... | 0 | 15.44 | 20-10-2026 |
| 6 | Валентин Коновалов в ходе поездки в Боград: строительство важных социальных объектов идет по графику | 0 | 5.78 | 11-08-2026 |
| 7 | Пассажирские перевозки из Стаханова и в Стаханов. Зарезервировать места самостоятельно ... | 0 | 18.27 | 21-10-2026 |
| 8 | В Тандинском кожууне Тувы после капремонта открылась Центральная районная библиотека | 0 | 9.72 | 17-10-2026 |
| 9 | Амма улууһугар 2,5 тыһ. тахса туонна хортуоппуйу уонна оҕуруот аһын хомуйдулар | 0 | 24.66 | 20-10-2026 |