Kocha Mkuu wa zamani wa Yanga na Kaizer Chiefs, Nasreddine Nabi ameibukia nchini Morocco ambako amepwa jukumu la kuifundisha Wydad AC ya huko.

Klabu hiyo ya jijini Casablanca, imemtambulisha rasmi Nabi, jana Alhamisi Oktoba 22. 2026 ikimpa mkataba ambao utafikia tamati mwishoni mwa msimu msimu huu.

"Wydad inatangaza kuteuliwa kwa Mtunisia Nasreddine Nabi kama Kocha wa timu ya wakubwa hadi mwishoni mwa msimu.

"Uteuzi huu unaashiria lengo la klabu kunufaika na uzoefu wa Nabi  na uimara wake wa mazoezi kuiongoza timu ya kwanza katika awamu ijayo na kazi ya kuendeleza ufanisi na kukuza ushindani katika mataji tofauti.

"Wydad inamkaribisha Kocha Nasreddine Nabi na inamuombea mafanikio katika majukumu na mchango wake katika kutimiza malengo yaliyowekwa," imefafanua taarifa ya Wydad.

Nabi ameingia Wydad akiwa na uzoefu mkubwa wa soka na mazingira ya Morocco na Afrika kiujumla.

Kabla ya kujiunga na Wydad, amewahi kuzifundisha AS FAR Rabat na Raja Casablanca za nchini humo kwa nyakati tofauti.

Nje ya Morocco, Nabi amewahi kuwa Kocha Mkuu wa Yanga, Kaizer Chiefs, Ismaily, Al Merreikh na Al Ahly Tripoli.