| СОНУУРГАКТАРГА | 💥52 өжеш херээжен 📢2023 чылда «Альпина нон-фикшн» ...

Дата публикации: 22-10-2026 03:00:00

| СОНУУРГАКТАРГА |
💥52 өжеш херээжен
📢2023 чылда «Альпина нон-фикшн» деп ном үндүрер чер Рэйчел Свэйби деп авторнуң бижээни “52 өжеш херээжен” деп номунуң орус дылче очулгазын парлап үндүрген.
304 арынныг номда эртемче делегей көрүжүн өскерткен 52 эртемден херээженниң кылган ажыдыышкыннарын эртем ниитилели улуг шүгүмчүлел-биле хүлээп албайн турганының дугайында бижээн. Номну чеди кезекке аңгылаан: медицина, биология, экология, генетика, онтогенез, физика, космос болгаш чер дугайында, математика, технология база эртемге ажыктыг дериг-херексел чогаадырының талазы-биле.
Бо номда кирген эртемден херээженнерни туруштуг болгаш өжеш чоруу, эртемге бердингени, ниитилелдиң сагыыр чурумнарынга таарышпас деп шүгүмчүлелди ап турган-даа болза, делегей чергелиг ажыдыышкыннарны кылганы каттыштырып турар. Херээжен эртемденнерниң ажыдыышкыннарын эр эртемденнер кылган, херээжен кижиниң ролю чүгле уруг-дарыг азыраар, ава болуру-дур деп улуг кичээнгейни чүгле ынаар салып, ниитилелдиң бодалдарын каш удаа ынчаар будалдырып турган кадында, номда кирген эртемденнер тура дүшпейн, шупту боттарының эртем талазы-биле ажыдыышкыннарын бадыткап шыдапканын номда бижип турар. Бо хүнде ол херээжен эртемденнерниң ылаңгыя медицина, биохимия, физиология, археология талазы-биле ажыдыышкыннары амгы үеде өлүмнүг аарыгларны тиилеп алырынга, делегейже аңгы көрүштү ажыдарынга ужур-дузалыг болуп турар.
Ол ышкаш организмде “шурап турар геннер” деп адай берген ДНК участоктарының дугайында хөйге билдингир апарган ажыдыышкын кылгаш, Нобель шаңналының эдилекчизи болган Барбара Мак-Клинток, 1935 чылда радиоактивтер дугайында ажыдыышкыны дээш база-ла Нобель шаңналын алган Ирен Жолио-Кюри, палеоневрология эртемнериниң үндезилекчизи, палеонтолог Тилли Эдингер дээш өскелериниң-даа аттары амгы делегей эртеминде хүндүткелдиг черни ээлеп турар.
Чуруктарны болгаш медээни www.litres.ru/book/reych... деп сайтыдан алган.
“Шын” №40 2026 чылдың октябрь 15
"Шын" солуннуң МАХ-каналынга каттыжыңар: max.ru/channel_shyn

Схожие новости

#	Наименование новости	Тональность	Информативность	Дата публикации
1	🤒 (((((7,5 миллиард рождались и сразу гцин пищера и выросли ...	0	5.75	21-10-2026
2	Цхинвалы 2-ӕм скъолайы ацӕудзӕн егъау мадзал Дзӕуджыхъӕуӕй къомайты Р.В. номыл ...	0	7.85	14-10-2026
3	🤒 Для чего вам нада мудрость?👉(((((Кто японю геноцид делали мала ...	0	5.52	11-09-2026
4	Ихадоу атемақәа 33 шықәса раԥхьа арҭ амшқәа рзы Аҟәа ахақәиҭтәразы ...	0	9.69	24-09-2026
5	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-5	3	08-07-2026
6	США взорвали ядерную бомбу в космосе. Последствия оказались страшнее, чем ожидал кто-либо	0	10.59	16-08-2026
7	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-2	3	08-07-2026
8	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-3	4	08-07-2026
9	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-3	4	12-07-2026

Классификация: Наука. Схожих патентов: 0. Схожих новостей: 9. Тональность: 0. Информативность: 14.51. Источник: vk.com.