Leslie Feiberg-en 'Borrokalari transgeneroak' liburuaren inguruko aurkezpen-tertulia gidatuko du bihar ostegunean Josebe Iturriotz aktibista transfeministak TRIL Atxabaltako Txoko Feministan. Saioa arratsaldeko 18:00etan izango da.

Fermintxo Zabaltzak euskarara itzulitako 'Borrokalari transgeneroak' liburua ez da transen historia osoa eta zehatza, ezta trans mugimendu modernoaren jaiotzaren eta garapenaren historia ere.

Aitzitik, da begirada berri bat sexuak eta generoak historian izan duten lekuaz, eta klasearekin, naziotasunarekin, arrazarekin eta sexualitatearekin dituzten erlazioez. Gizarte guztiek onartu al dituzte bi sexu bakarrik?. Beti egon al dira hain gaitzetsiak sexuaren eta generoaren mugak gurutzatu dituztenak? Zergatik dira legeen gaia sexu-berresleipena eta cross-dressinga? Tertulia honetan galdera horiei erantzun bat ematen ahaleginduko dira.

Jabetza Eskolaren ikasturtea ekainaren 18an amaituko da Vogue tailerrarekin. Lohixak taldearekin elkarlanean antolatutako tailer honetan Voguearen teoria eta praktika uztartuko dira. Azkenean 'runway' proba bat egingo dute.