Urria eta ikasturte berriarekin batera Parketarrak ekimena bueltan da. Udalak eta Heztenek antolatzen duten programa hau jolas-saioak eskainiko ditu hilabete honetan, ostegunero, Biteriko parkean. Lehenengo saioa ostegun honetan ospatuko da.

Ekimena haurrei zuzenduta dago eta bi taldeetan banatuko dira adinaren arabera: Zabu-zibu jolasak 3 eta 5 urte bitartekoei zuzenduta daude, heldu batek lagunduta parte hartu beharko dutenak. Txirrintxon, berriz, 6 eta 9 urte bitarteko neska-multilei egiten zaien proposamena da. Bi kasuetan jolasak 17:00etan hasiko dira. Euria egingo balu, ekimena Biteri ikastetxean ospatuko da.