EH Bilduk, Babacar Welleren heriotzaren aurrean egindako hausnarketa plazaratu du.

«Udaleko Gizarte Zerbitzuek, lehen arretako eskumena izanik, Babacar artatu bazuten ere, egoera zaurgarrian dauden ... pertsonen kudeaketa Aldundiari dagokio. Bertako itxaron-zerrenda luzeegia izan da Babacarrentzat. Osasun mentaleko arazoak zituen. Zaintza eta tratamendu hurbila zein jarraitua behar zituen gora-beherak izaten zituelako. Osakidetzak ez du asmatu egoera zaurgarrian eta buruko gaixotasuna duten pertsonen beharretara egokitzen». Gainera, Bildu ez dago «konforme» poliziaren jarduerarekin. «Arta psikiatrikoa behar duen pertsona baten aurreko esku-hartze baten emaitza ezin da inolaz ere heriotza izan. Indarkeria poliziala ezin da izan arazo honen konponbidea. Polizia-ereduaren gaineko hausnarketa egin beharrean gaude. poliziek ezagutza soziologiko zein psikologikoak, enpatia eta beharrezkoak diren bitartekoak izan ditzaten tresnak sortu behar ditugu«.