22/09/2026 a las 13:08h.

Asteazken honetan, hilak 23an, arratsaldeko 19:00etan, Angeles Sorazuri buruzko hitzaldia eskainiko da Alondegiko Oxford aretoan, Jose Andres Alvaro Ocariz idazlearen eskutik. 'Sor Ángeles Sorazu, Zumaiako idazle mistikoa' izango da hitzaldiaren izenburua.

Saioan, Sor Angeles Sorazuren bizitza eta haren idazlanak izango dituzte hizpide. Literatura mistikoaren barruan, Sorazuk leku garrantzitsua du, eta, besteak beste, Avilako Santa Teresa, Gurutzeko San Joan eta Agredako María de Jesús bezalako egileekin batera kokatzen da.

Hitzaldian, halaber, 'Sor Ángeles Sorazu, Zumaiako idazle mistikoa' liburua aurkeztuko du Jose Andres Alvaro Ocarizek. Idazleak azaldu dutenez, ez da aurkezpen komertziala izango: liburuaren salmentatik lortutako dirua 22. kromosomaren bikoizketa deritzon gaixotasun arraroa duen lau urteko neska baten tratamenduan laguntzeko bideratuko da.