Emun aholkularitzan, kooperatiba diren aldetik, emaitza ekonomikoen zati bat urtero IPDK funtsa (Interes Publikorako Derrigorrezko Kontribuzioa) zuzkitzera bideratzen dute.

Emunen, gizarte eraldaketa ideia abstraktua baino gehiago da, beraien izateko eta lan egiteko moduaren parte. «Gizarte bizigarriago baterantz, euskaratik eta euskaraz, komunitateen bidelagun izateko» sortu ziren, eta urte hauetan guztietan bokazio hori eguneratzen eta zabaltzen joan dira: «gizarte euskaldun, justu eta jasangarriago baten alde eragiteko» lan egiten dute.

Azken hilabeteotan, Emunen gizarte eraldaketa nola ulertzen duten landu dute: nola kokatzen diren, zertan eragin nahi duten eta euren ohiko zerbitzuetatik harago zein ekimen, proiektu edo mugimendu babestu nahi dituzten.

Hausnarketa horren emaitza izan da Gizarte Eraldaketarako Markoa: «gure konpromisoa antolatzeko, erabakiak modu koherentean hartzeko eta baliabideak –ezagutza, denbora edo ekarpen ekonomikoa– eraldaketaren zerbitzura jartzeko aurrerantzean eskuartean izango dugun tresna», Emunen esanetan.

Goiburuan esan bezala, kooperatiba gisa, euren urteko emaitzen zati bat IPDK funtsaren bitartez, kanpo eragileen proiektu komunitario eta eraldatzaileak babestera bideratzen dute. 2025ean emaitza positiboak izan zituzte eta berainen balioekin bat egiten duen proiektu, ideia edo herri-ekimenak babestu eta haiekin elkarlana sustatzea nahi dute.

Eskaerak atari honetan jasoko dira: https://www.emun.eus/gizarte-ekimenetarako-ekarpena/. Eskaerak jasotzeko azken epea: irailak 30.

Elkarrekin entzun, pentsatu eta, ahal den neurrian, elkarlanean egin nahi diote gizarte eraldaketari beraien ekarpena.

Emun aholkularitzaren lan-taldea 90 pertsonek osatzen dute. 98 berrikuntza proiektuten dihardute 170 bezerontzat. Hainbat alorretan lan egiten du Emunek: euskara planak, genero berdintasuna, gobernantza, aniztasuna, gizarte erantzukizuna, berrikuntza plataformak eta enpresetako zerbitzu integrala.